有日睇症已經睇到兩點九，登記處都貼哂停止登記大字報。有位太太入到嚟喺登記處鬼殺咁嘈：「人呢？姑娘呢？」
我：「唔好意思，我哋截咗症㗎啦」
太太：「我啱啱嚟到你就話截？你乜服務態度呀？」
我：「我哋截咗好耐㗎啦，你四點後再嚟啦」
太太：「四點？我俾個玉皇大帝你做好冇？」
好呀，唔俾正契弟。
我：「我哋截咗症㗎啦，醫生再收症佢就冇飯食㗎啦」
太太：「食少餐會唔掂㗎？我都係佢熟客嚟㗎！咪食少一餐減肥！」
嗱，你咁講就唔啱啦，減肥係唔應該食少餐，而係應該食多幾餐。
我：「你四點再嚟啦⋯我唔會同你登記㗎啦」
太太繼續嘈嘈嘈，冇乜節操嘅醫生又喺房宣旨一聲：「唔好煩啦，睇埋啦」
漏q哂氣嘅我又唯有同佢登記。
呢個時候太太當然唔會放棄執死雞：「你呀，都食少餐啦」
妖拿星，我鍾意肥鍾意圓碌碌，你吹呀？
Search